فكرة المحل المملوك للشارع

فكرة المحل المملوك للشارع .

هناخد مثال عشان الفكرة توضح .
التاجر ال حضرتك بتشتري منة الخضار .بيروح يشتري الخضار بتاعة من سوق العبور .
وخدها قاعدة عامة ..لو كان سعر الطماطم في سوق العبور بجنية ونصف ..هيبعوا لك التاجر ب 3جنية .
كدا احنا عرفنا ان سبب زيادة السعر طمع التاجر .
طبعا التاجر بتحمل مصاريف النقل وبيعمل حساب ان لو حاجة من بضاعتة باظت يعوضها من المكسب بتاع الجنية ونصف الزيادة .
طب في الاول والاخر انت كمستهلك متتضرر من سوء ادارة التاجر ال في منطقتك للمحل بتاعة .
طيب نفكر في الحل المنطقي والمعقول .
1:حندور على شاب له سمعة طيبة في منطقتنا ونتاجر لة محل .
2:كل 100بيت حيدفعوا للشاب ده 25جنية شهري كراتب .2500جنية مرتب شهري .
.هنجهز للشاب ده ورقة بطلبات اليوم كامل من يوم سابق ..
1كيلو رز 2:كيلو طماطم .كيلو سكر .باكو شاي .قطعتين صابون .كيس اريال ..الخ .
كل بيت من البيوت حيدي الشاب ده 500جنية رصيد ميت عشان يتشري بضاعة المحل من المنبع ويبيعها بدون هامش ربح (لانة كدا اصبح موظف مش تاجر)
مهام الشاب ده هتكون جمع الكميات المطلوبة كل يوم ويشتريها من المنبع ويبيعها بدون هامش ربح .
ال25جنية جنية ال دفعتهم للشاب كراتب شهري حتلاقيهم مكسب لو اشتريت 25كيلو خضار فقط في الشهر مكسبهم من هامش الربح ال بيحطة التاجر عليك .
ومبروك عليك مكسب باقي مشترواتك طول الشهر .
الفكرة لها ابعاد كثيرة .
1:تقضي على احتكار التجار وطمعهم.
2:تشغيل شاب بين كل 100بيت براتب محترم.
3:تعمق مفهوم التكافل الاجتماعي 
4:محاربة غلاء الاسعار بحلول فاعلة .

ابو جونير