الدوره المستنديه للمخازن

مينفعش تبقى محاسب ومتعرفش مخزن شركتك ماشى ازاى وايه الورق بتاعه ومين يطلب ومين يصرف وإيه الدورة المستندية الخاصة بيه
هنا هشرحلك بصورة مبسطة مثالين الأول على الدورة المستندية للمخازن فى  شركة تجارية والثانى الدورة المستندية للمخازن فى  شركة صناعية
اها نسيت ممكن تكون فى شركة تجارية معندهاش مخازن لكن الشركة الصناعية مستحيل
اولا الشركة التجارية :
الدورة المستندية للمخازن فى الشركة التجارية
الشركة التجارية بتبيع منتج تام على طول يعنى مبتصنعش شئ بتشترى جملة وتبيع تجزئة يعنى الموضوع ساهل بالنسبة للمخازن
الدورة هنا بتبدى لما نشترى بضاعة والمخزن يستلمها ويعمل حاجة إسمها إذن إضافة للمخازن
ولو فى حاجة مش عايزها بيعمل بيها إذن مرتجع للمورد
علشان يرجعها من عنده للمورد
بعد كده محاسب العملاء بيرحلوا عميل عايز بضاعة بيروح عامله فاتورة وعامل معاها
إذن تسليم بضاعة وطبعا بيخلى الاصل عنده وبيدى العميل صورة بيروح بيها المخازن
والمخزن يستلم الصورة دى يروح عامل إذن صرف بضاعة للعميل
وطبعا نفس المرتجع لو رجع حاجة
يبقى المخزن بيضيف وبعدين يستلم امر بالتسليم وبعدين يصرف
ويعمل كارت صنف يسجل فيها الصادر والوارد علشان فى اى وقت يعرف الرصيد كام عنده “جرد مستمر”
يعنى من الاخر الدورة للشركة التجارية
بتبتدى من
1- إذن إضافة بضاعة (لما تيجيلنا بضاعة جديدة)
2- إذن تسليم بضاعة ( بيعملوا المبيعات للمخازن علشان يصرف بالكمبة المكتوبة)
3- إذن صرف بضاعة ( بيعملوا امين المخزن علشان يثبت انه صرف بضاعة)
4- إذن مرتجع بضاعة لو مطلوب
وفى إذن تانى هنقولوا فى اخر الدرس ده
ومتنساش كارت الصنف
ثانيا الشركة الصناعية :
الدورة المستندية فى الشركة الصناعية
ودى بقى بتتقسم لمخزنين مخزن مستلزمات إنتاج ومخزن منتج تام
نبدا من المنتج التام وده هو هو الشركة التجارية بس البضاعة الجديدة بتيجى من التصنيع
بتبتدى من
1- إذن إضافة بضاعة (لما نصنع بضاعة جديدة ونسلمها للمخزن )
2- إذن تسليم بضاعة ( بيعملوا المبيعات للمخازن علشان يصرف بالكمبة المكتوبة)
3- إذن صرف بضاعة ( بيعملوا امين المخزن علشان يثبت انه صرف بضاعة)
4- إذن مرتجع بضاعة لو مطلوب
والمخزن التانى مخزن مستلزمات الإنتاج :
وده مثلا مخزن بنحط فيه المواد الخام الشحوم العدد إلخ
طيب وده بيمشى إزاى
اولا القسم اللى عايز حاجة مثلا شركة بتصنع عصير فى قسم التغليف عايز علب كرتون بيروح لمهندس الإنتاج يقوله عايز علب من المخزن ويعمل طلب صرف بضاعة من القسم للمخزن بيعتمده مهندس الانتاج الأول.
وبعدها المخزن بيصرفله اللى هو عايزه طبعا إذن صرف بضاعة والباقى زى ما هو مرتجع لو فى طبعا مش اوامر تسليم لانه ده داخلى جوا المصنع يعنى
ونلخصه كالتالى
1- إذن إضافة بضاعة (لما نشترى مواد خام ونسلمها للمخزن )
2- طلب صرف بضاعة ( بيعملوا الاقسام المختلفة ويعتمدوه من مهندس الانتاج )
3- إذن صرف بضاعة ( بيعملوا امين المخزن علشان يثبت انه صرف بضاعة)
4- إذن مرتجع بضاعة لو مطلوب
5- وزى ما قولنا فوق لما يخلصوا المنتج هيسلموه للمخزن ويعمل إضافة
وطبعا كل واحد نسخة من كل ورقة علشان يثبت اللى صرفه او اللى خده
وطبعا الكارت الصنف بس مش فى كل حاجة المواد الخام اه ” جرد مستمر” لكن لو حاجة زهيده او عدد وادوات مش بنجيبها بصورة مستمرة مبنعملهاش كارت “جرد دورى”
ويفضل ورقة اسمها
إذن تسويه وده بيتعمل فى حالة العجز او الزيادة لرصيد المخزن بعد محاسبة المسئول وده بيسمح بيه المدير المالى او رئيس الحسابات
ده كل حاجة طبعا ممكن تلاقى ورق تانى بس ده الاساس
وطبعا ممكن المسميات تختلف يعنى بدل امر تسليم ممكن امر صرف بس المعنى واحد
وبكده نكون شرحنا الدورة المستندية للمخازن بشكل مناسب ومبسط لكل المهتمين بالموضوع

– تصميم الدورة المستندية للمستلزمات السلعية المنصرفة :

يتم تصميم الدورة المستندية للمستلزمات السلعية المنصرفة بهدف التحقق من الرقابة على صرف هذه المواد وإعلام أثر صرف المواد على الأقسام المختلفة في المنشأة سواءً كانت إدارة المخازن أو إدارة التكاليف أو غيرها.

وتمر الدورة المستندية لعملية صرف المواد بالآتي:

‌أ) إعداد إذن الصرف: يحتوي إذن الصرف على البيانات التالية: رقم العملية المطلوب لها الخامات، رقم المادة ومواصفاتها، الكمية المطلوبة، رقم وتاريخ إصدار الإذن وتاريخ الصرف، صيغة الأمر الصادر لأمين المخزن بالصرف، توقيع الشخص الذي يحق له صرف المواد وكذا توقيع المستلم وأمين المخزن.


ب) قيد المستلزمات السلعية بالحسابات المختصة: يقوم حسابات المخازن بإدارة التكاليف بعد استلامه نسخ من إذن الصرف بالتسجيل في حسابات الصنف في دفتر أستاذ المخازن في خانة المنصرف وتسعير هذه المواد حسب طريقة التسعير المتبعة.

2- تسعير المستلزمات السلعية المنصرفة:

هناك سياستين للتسعير، سياسة التسعير المعياري، وسياسة التسعير الفعلي، لكن في الواقع العملي يتبع سياسة التسعير الفعلي، ويوجد
ثلاث طرق رئيسية مستخدمة في عملية التسعير الفعلي للمواد المنصرفة من المخازن وهناك عدد من الاعتبارات يجب مراعاتها عند اختيار أي طريقة من الطرق الثلاث.

وتتمثل طرق تسعير المواد المنصرفة من المخازن في الآتي:

‌أ) طريقة الأول في الأول ( الوارد أولاً منصرف أولا ): تقوم هذه الطريقة على فكرة الوارد أولاً إلى المخازن منصرف أولاً بمعنى أن أي كمية منصرفة للإنتاج يتم تسعيرها حسب أسعار المواد الواردة أولاً للمخازن وهكذا حتى نهاية الفترة أو العام حيث يتم تقييم المخزون آخر الفترة بآخر أسعار وصلت إلى المخازن.

ويفضل إتباع طريقة الأول في الأول في حالة الأصناف مرتفعة التكاليف، وكذلك في حالة اتجاه الأسعار في السوق إلى الانخفاض.

ويعاب على هذه الطريقة أنها تكون مضللة في فترات ارتفاع الأسعار لأنها تؤدي إلى تضخيم الأرباح على غير الحقيقة.

‌ب) طريقة الأخير في الأول ( الوارد أخيراًً منصرف أولاً ): هذه الطريقة تقوم على فكرة تسعير المواد المنصرفة للإنتاج بآخر أسعار وصلت إلى المخازن، وبالتالي يتم تقييم المخزون آخر الفترة من المواد بأقدم الأسعار التي وصلت إلى المخازن.

ويفضل اتباع هذه الطريقة في حالة اتجاه أسعار المواد في السوق إلى الارتفاع.

‌ج) طريقة متوسط التكلفة: ووفق هذه الطريقة يكون هناك سعر واحد للمخزون يتغير هذا السعر عند ورود أي كميات جديدة للمخازن، حيث يستخرج متوسط التكلفة التي تعبر عن سعر المواد. ويحسب هذا المتوسط بالمعادلة التالية:

متوسط التكلفة=(تكلفة الكميات الموجودة في المخازن (الرصيد) + تكلفة الكمية الواردة)/(كمية الرصيد + كمية الوارد)

وبالتالي يتم تسعير المواد المنصرفة للإنتاج بالسعر المتوسط ولا يتغير هذا السعر المتوسط إلا في حالة شراء كميات جديدة من المواد وإدخالها المخازن.

ويفضل استخدام هذه الطريقة في حالة حدوث تقلبات وتغيرات مستمرة في الأسعار وبالتالي من مزايا هذه الطريقة تخفيف تقلبات الأسعار وتقريب التكلفة من أسعار السوق.

3- معالجة المرتجع والتالف والفاقد وفروق الجرد:

أحياناً بعد الانتهاء من تنفيذ أمر إنتاجي معين يكون هناك فائض من المواد المنصرفة له، والسبب في ذلك يكون إما المبالغة في تقدير الكمية اللازمة، وإما لانخفاض كمية الإنتاج وإما لارتفاع كفاءة العاملين، كما قد يتضح عند الجرد وجود عجز أو فائض في رصيد المخزون.

‌أ) معالجة المرتجع من المواد للمخازن: تعالج المواد المرتجعة إلى المخازن كالمواد الواردة، وتسعر المواد المرتجعه بنفس السعر الذي سبق وأن صرفت به. إلا في حالة وجود أكثر من سعر صرفت به هذه المواد. فإن هناك معالجات يتم اتباعها حسب نوع الطريقة المستخدمة في عملية تسعير المواد المنصرفة.

‌ب) معالجة التالف والفاقد من المواد وفروق الجرد: يعامل الفاقد والتالف معاملة المنصرف على أن يسعر وفقاً لسياسة التسعير المستخدمة في تسعير المنصرف من المواد.

وفي حالة وجود زيادة في المخزون الفعلي عن الرصيد الدفتري فإن هذه الزيادة تعامل معاملة الوارد وتسعر طبقاً لآخر سعر وردت به كمية للمخازن أو بالسعر السائد في السوق وقت الجرد.

اترك تعليقاً

Shopping Cart
نحن هنا لمساعدتك .. 💖
انتقل إلى أعلى