fbpx

اهم مصادر كورسات النت عالميا


و بما ان فيه مواقع كورسات عالمية الفريلانسير القدام يعرفوها لكن الجدد على النت مش عارفينها
لهذا قلت ارصلكم قائمة فيها
اهم مواقع كورسات عالمية ( بالانجليزي طبعا )
و شرح مختصر لبعضها


نبتدي  
كورسات الجامعات العالمية 
 EDX
https://www.edx.org/
و كورسيرا
https://www.coursera.org/
دول موقعين فيهم كورسات مقدمة من الجامعات , اغلبهم مجانية
و بعضهم بفلوس لو انت عاوز شهادة معتمدة
الجامعات طبعا كلها عالمية , فيها هارفارد و اكسفورد و كمبريدج , الخ
الكورسات سهلة لو لغتك الانجليزية معقولة انك تفهم فيديو انجليزي
من غير ترجمة
( يعني بتعرف تشوف فيلم اجنبي مثلا من غير ترجمة )
و حتى لو لغتك بسيطة ففيه شروحات فى الفيديوهات بتكون بطريقة مبسطة
لأن طريقة تعليمهم بتقوم على الفهم و النقاط المركزة
مش الحفظ عندنا

Udemy
ده موقع كورسات كبير جدا لكل حاجة و اي حاجة , هنا المهارات اوسع و مش اكاديمية , و من اول هواة و محترفين لأساتذة , فيه مجاني و فيه مدفوع
بتختار الكورس المجاني اللى جاي من حد له ريفيوز عالي
و طبعا فى مجالك 
و كمان انت نفسك تقدر تعمل كورس او شروح فيديوية و تحطه و تخليه كورس مدفوع و لو اتقبل من الموقع و نزل عليه هتجيلك الفلوس و انت قاعد مكانك ‏‎grin‎‏ رمز تعبيري
( يعني ينفع فى اتجاهين هنا )
و زيه تقريبا كرييتيف لايف , بس ده فيه خبراء اكتر مستقلين
https://www.creativelive.com/


كورسات تخصصية 
 ليندا و كو بايلوت
http://www.lynda.com/
http://www.videocopilot.net/
الاتنين دول اغلب كورساتهم مدفوعة و موجهة للمصممين و مخرجين الفيديو
بس بيكونوا بانتظام بينزلوا شوية حاجات تجريبية و مجانية ( demo او Trial ) عشان يغروك تخش على المدفوع ..
و الحاجات المجانية دي لوحدها فيها درر فعلا و مفيدة
و طبعا مش محتاج اقولك انك لو مسكت اسم الكورس و دورت عليه على موقع تورنت , ممكن تلاقيه موجود و تقدر تنزله
بس حجم الكورسات فعلا ضخم , فيه كورس ممكن يوصل لـ 10 جيجا و اقل حاجة بتكون جيجا بس الكورس الواحد بينقلك نقلة فى المستوى ضخمة

 سكيل شير
https://www.skillshare.com/
ده بيركز اكتر على الحاجات المهنية و الفنية
يعني تصليح لوحة الكترونية , الرسم , التصوير بالكاميرا
بس فيه حاجات كمبيوتر برضه
بيركز على تعليم مهارات اوسع مش بس كمبيوتر انما واقع كمان
و زيه موقع كيريوس
https://curious.com/


كورسات لحد باب ايميلك !
للي مش قادرين يدوروا كل شوية او مش لاقيين وقت
فى الموقع  ده كورسات يبعتها لحد باب ايميلك !
http://gohighbrow.com/
بتسجل فيه بايميلك و اهتمامتك و اول ما بينزل كورسات بالمواصفات اللى بتحددها بيبعتلك ايميل بيها و يقولك ( الحق يا كابتن فيه كورس جاي مجاني فى المجال كيت اللى قلت عليه , شوف كدة لو عاوز )


كورسات مختصرة !
كورس موس
https://coursmos.com/
ده مخصص للكورسات الصغيرة فى الوقت , يعني مش ساعات كتير
انما حاجة بتعلمني مهارة او جزء منها فى كورسات صغيرة سريعة
للي معندوش وقت

Solo learn
ده موقع كورسات متخصصة فى مجال البرمجة بشكل عام  .. و متميز جدا 
www.sololearn.com


مواقع بحث بكل مواقع الكورسات !
 و اخيرا بقى ,مواقع بحث للكورسات على النت
و هما اشهر اتنين :
سكيل اب
http://www.skilledup.com/individuals
و  ريد هوب
https://redhoop.com/
دي مش مواقع كورسات انما مواقع متخصصة انها  تبحث عن الكورسات
 بتختار المجال و يطلعلك كل الكورسات اللى نزلت
يعني محرك بحث زي جوجل كدة
بس بالنسبة لكل مواقع الكورسات العالمية فقط


آخر ملحوظة :
كل اللى فات ده مش مطلوب عشان تشترك فيه اي فلوس
فقط اشتراك بايميلك و شوية لغة و شوية متابعة
و فى خلال سنة هتستفاد فايدة رائعة بجد
دي كانت اكتر مواقع كورسات اسمع عنها حسب معلوماتي
و جربتها مفيدة جدا جدا جدا جدا ( موقع واحد منهم بس يكفي )
و لو حد عنده اسئلة , فى التعليقات
لو حد عنده اضافة , يا ريت و كلنا نستفاد
و لو البوست افادك فعلا , و عرفت منه حاجات جديدة
ف زي ما قلتلك فى اول البوست : يكفيني انك استفدت
و مش طالب اكتر من انك تدعيلي بمحبة , و ربنا يكرمكم جميعا 🙂

اترك تعليقاً

Close Menu
×
×

Cart

[contact-form-7 404 "Not Found"]